Rajoy amenaza a UPN col frañimientu del pautu ente dambos partíos

El cabezaleru del PP, Mariano Rajoy, alvirtió güei al presidente navarru, Miguel Sanz, que si los parlamentarios d'Unión del Pueblu Navarru (UPN) nun sofiten la enmienda de totalidá que va presentar el Grupu Popular al proyeutu de presupuestos Xenerales del Estáu (PXE) va suponer la "rotura del pautu" que dambes formaciones caltienen dende 1991. Pela so parte Sanz pidió-y a Rajoy que nun presente una enmienda de totalidá a los PXE, y díxo-y que si finalmente lo fai, los órganos d'Unión del Pueblu Navarru van decidir el sen del votu de los sos parlamentarios.