El PSOE incluyó en 2005 al gallegu nel diariu de sesiones de la Xunta Xeneral con una redaición enquívoca

El PSOE dió-y carta de ñaturaleza al gallegu nel diariu de sesiones de la Xunta Xeneral del Principáu, al emplegar una redaición enquívoca, fecha col enfotu d'incluyir en testos oficiales, y gracies al engañu, menciones a una realidá idiomática non asturiana que fuere amestada por IX na Llei d'Usu y Promoción. De fechu, pue lleese nel citáu diariu de sesiones, con data 23 de xunu de 2005, cómo la entonces Conseyera de Cultura Ana Rosa Migoya, y el diputáu Montes Suárez, en nome del Grupu Parlamentariu Socialista, emplegaron reiteradamente la denominación 'gallego asturiano', ensin el correspondiente guión curtiu, colo que la fala convertíase nel gallegu propiu d'Asturies, pues equí esi 'asturiano' yera un axetivu. Estes y otres manipulaciones asemeyaes puen seguise, ente más sitios, na páxina web del Parlamentu Asturianu.